Almaty polıtsııasy bank klıentterine shabýyl jasaǵandardy ustady
ALMATY. QazAqparat - Almaty polıtsııasy bankterdiń birindegi klıentterge shabýyl jasaǵandardy ustady, dep habarlaıdy QazAqparat tilshisi Almaty qalalyq ІІD baspasóz qyzmetine silteme jasap.
Tergeýdiń bul kezeńinde qaskóılerdiń jábirlenýshilerdiń birimen kelise otyryp áreket etkeni anyqtaldy. Qylmys 31 qazan kúni 13 saǵat 30 mınýtta Tımırıazev kóshesiniń boıyndaǵy «Alataý Grand» bıznes-ortalyǵynyń mańynda boldy. QR QK 192-baby, 4-bóliminde kórsetilgen qaraqshylyq shabýyl faktisi boıynsha, Bostandyq aýdany ІІB sotqa deıingi tergeý jumystaryn bastady.
«Jedel qurylǵan tergeý toby az ýaqytta shabýylshylardyń aty-jónin anyqtady jáne ustady. Tergeý sharalary barysynda anyqtalǵandaı, qaskóıler kompanııa jumysshylarynyń birimen sybaılasqan. Qylmyskerler iri kólemdegi aqshanyń qaı jerde jáne qashan alynaryn aldyn ala bilgen. Alaıda, olar kózdegen maqsattaryna jetken joq. Ustalǵandar - 1981 jáne 1987 jyly týǵan jergilikti turǵyndar. Olar tutqyndaldy. Atalǵan faktige qatysty sotqa deıingi tergeý jumystary áli jalǵasýda», - dep habarlady qalalyq Krımınaldyq polıtsııa basqarmasynyń basshysy, polıtsııa podpolkovnıgi Janbolat Zıadın.
