Almaty polıtsııasy balasyn urǵan ákeni týystarymen kezdestirdi
ALMATY. QazAqparat - Almaty polıtsııasy balasyn urǵan Murat Asqaroglyny týystarymen kezdestirdi, dep habarlaıdy QazAqparat tilshisi.
Qalalyq ІІD baspasóz qyzmetiniń habarlaýynsha, 1 tamyzda keshke Murat Asqaroglyny qoldaýǵa jınalǵan týystaryna polıtsııa ókilderi tergeý jumystarynyń málimetterin túsindirdi.
ІІD basshysy Serik Kúdebaev kúdiktiniń týystarymen jeke kezdesip, sóılesti.
«Men ózim jeke sóılestim. Konstrýktıvti áńgime aıtyldy. Qoıylǵan suraqtarǵa tolyq jaýap berildi. Murat Asqaroglynyń týystary onymen kezdeskileri keletinin aıtty. Olarǵa sondaı múmkindik berildi. Týysqandary Muratpen ІІD ǵımaratynda kezdesti. Osy kezdesýden soń adamdar tergeý isiniń obektıvtiligine kóz jetkizdi. Bul týraly basqa da týysqandaryna habarlandy. Jınalǵandar qazir qajettilik joq bolǵan soń tarap ketti», - dedi ІІD basshysy, general-maıor Serik Kúdebaev.
Eske sala keteıik, qaıǵyly oqıǵa 16 shilde kúni Odesskaıa men Brıanskaıa kóshesiniń qıylysynda oryn alǵan bolatyn. Turǵyndar tal túbinen 4 jastaǵy balany taýyp alǵan. Bala shala jansar kúıinde shuǵyl aýrýhanaǵa jetkizilip, ota jasaldy.
Almaty polıtsııasy jantúrshigerlik oqıǵaǵa kúdikti esebinde balanyń ákesin ustaǵan bolatyn.
Balanyń ákesi Murat Asqarogly óziniń kinásin moıyndap, qazaqstandyqtardan keshirim surady. Er adam mastyqtan eseńgirep turǵanda balasnyń qyńqyl-syńqylyn kótere almaı, taspen samaıynan bir-aq urǵan.
Polıtsııanyń bul áreketi Murat Asqaroglynyń týystarynyń narazylyǵyn týǵyzǵan edi. Keshe Shyǵys aınalma joly mańynda onyń týystary jınalyp, Murattyń kináli emestigin jarııalaǵan bolatyn.
