Almaty polıtsııasy azamattardy avtobólshekterdi qujatsyz satyp almaýǵa shaqyrdy
ALMATY. QazAqparat - Almaty polıtsııasy avtobólshekter saýdasy qyzyp jatqan bazarlarda turaqty reıd jumystaryn júrgizip turady. Osyndaı tekseristerdiń biri jaqynda «Car City» saýda úıinde boldy, dep habarlaıdy QazAqparat tilshisi.
Qalalyq Polıtsııa departamentiniń baspasóz qyzmetiniń habarlaýynsha, «Car City» saýda úıin tekserý barysynda» 10 arnaıy qurylǵan mobıldik toptyń qyzmetkerleri avto qosalqy bólshekterdi satý oryndarynda buryn qoldanysta bolǵan 10 kólik aınasyn, 2 tumanǵa qarsy fardy, 8 avtokólik akkýmlıatoryn anyqtaǵan. Qylmystyq is boıynsha shaǵym túsirgen adamdarǵa tıesili ekenin anyqtaý úshin atalǵan avtobólshekter salystyrylyp, tekseriletin bolady», - dedi Polıtsııa departamenti qylmystyq polıtsııa bóliminiń podpolkovnıgi Esen Ysqaqov.
Sonymen qatar, Almaty polıtsııasy azamattardy avtobólshek satyp alar kezde tıisti qujattardy talap etýge shaqyrdy. Quqyqtyq jaýapkershilikke tartylmas úshin bólshekterdi qujatsyz qoldan satyp alýdan bas tartý kerek.
Sondaı-aq, urlanǵan múlikti satý nemese satyp alý QR Qylmystyq kodeksiniń 196-baby boıynsha jazalanady.
