Almaty polıtsııasy áıelderdi sońynan ańdyp, tıisip júrgen jas jigitke izdeý saldy
ALMATY. QazAqparat - Almaty qalasy Bostandyq aýdanynda áıelderdi sońynan ańdyp, olarǵa tıisip júrgen er adamdy polıtsııa izdestirip jatyr, dep habarlaıdy QazAqparat tilshisi.
Ol jigittiń vıdeosy jelide tarady.
«Jas jigit Bostandyq aýdanynda áıelderdi ańdyp júrip, olardyń uıatty jerine tıisip shabýyldap júr. Myna vıdeoda ol podezd aldyndaǵy taldardyń arasyna tyǵylyp, bir qyzdy ańdyǵan, podezge birge kirgen soń lıftide qyzǵa shabýyl jasaǵan. Qyz ony teýip jibergen soń jigit tez qashyp ketken», - delinedi vıdeodaǵy jazbada.
Almaty qalalyq polıtsııa departamenti oqıǵa boıynsha Bostandyq aýdanynyń polıtsııa basqarmasy QR zańnamasyna sáıkes tekseris bastaǵanyn habarlady.
