Almaty polıtsııasy áıel adamdy óltirip, basyn kesip alǵan adamdy izdestirip jatyr

ASTANA. QazAqparat - 12 sáýir saǵat 08:40-te 102 pýltine Sholohov kóshesindegi qaraýsyz qalǵan ǵımarattyń janynan áıeldiń máıiti tabylǵany týraly habarlama túsken. Aqparat rastaldy, dep habarlaıdy QazAqparat Polisia.kz saıtyna silteme jasap.

Tergeý-jedel toby oqıǵa ornyn tekserdi, áıeldiń basy kesilgen. Onyń kim ekeni anyqtaldy: 1976 jyly týǵan, turaqty turǵylyqty jeri joq, buryn esirtki qylmysy úshin birneshe ret sottalǵan.

Biraz ýaqyttan keıin sol mańdaǵy saýda oryndarynyń birinen áıeldiń basy tabyldy.

Qazirgi ýaqytta atalǵan derek boıynsha Túrksib aýdandyq polıtsııa basqarmasymen QR QK-niń 99-baby boıynsha qylmystyq is tirkeldi.

Qylmysty ashýǵa jáne onyń mán-jaıyn anyqtaýǵa baǵyttalǵan jedel is-sharalar kesheni júrgizilýde.

«QR QPK-niń 201-baby jáne QR Konstıtýtsııasynyń talaptaryna sáıkes qylmystyq istiń ózge de málimetteri jarııa etýge jatpaıdy»,-delingen polıtsııanyń habarlamasynda.