Almaty polıtsııasy avtomektepter dırektorlarymen júrgizýshiler kýálikteri sanattarynyń ulǵaıýyn talqylady
ALMATY. QazAqparat - Almaty polıtsııasy avtomektepter dırektorlarymen júrgizýshilerdi sapaly daıarlaý jáne júrgizýshiler kýálikterindegi sanatttardyń ulǵaıýy máselelerin talqylady. Bul týraly qalalyq ІІD baspasóz qyzmeti habarlady.
Kezdesý barysynda jańa zańnamanyń normalary men talaptary qatysýshylardyń qaperine jetkizildi jáne talqylandy. Syndarly dıalogta zańnamalardaǵy ózgeristerdi kýrsanttardyń qaperine durys jetkizýde oqytý ádistemesin jaqsartýǵa qatysty máseleler de áńgime boldy. Jol qaýipsizdigi jónindegi negizgi máselelermen qatar jańa júrgizýshiler kýálikterin berýmen baılanysty zańnamaǵa engizilgen jańalyqtar egjeı-tegjeıli talqylandy.
«Avtomektepter oqytýshylary sanattardyń ulǵaıtylýyn maquldaıtynyn bildirdi. Olardyń pikirinshe, qosylǵan VE, SE, DE sanattary jáne A1, V1, S1, D1, S1E ı D1E alty kishi sanattar júrgizýshiler quramynyń bilimin jaqsartady jáne ómirde, sondaı-aq qajetine qaraı jumys barysynda jáne kásibı qyzmette qoldanylatyn bolady. Jańa úlgidegi júrgizýshiler kýálikteri jol qozǵalysy týraly zańdy júzege asyrý aıasynda engizildi. Tehnıkalyq retteý jáne metrologııa komıtetiniń buıryǵymen «Mehanıkalyq transport quraldary júrgizýshisiniń kýáligi» Qazaqstan Respýblıkasynyń Ulttyq standarty bekitildi», dep túsindirme berdi Almaty ІІD Ákimshilik polıtsııa basqarmasynyń resmı ókili Erkin Ótegenov.
