Almaty polıtsııasy avtobýstyń artyna jabysyp alǵan ekstremaldy izdep jatyr

ALMATY. QazAqparat – Almatyda avtobýstyń artyna jabysyp alǵan ekstremaldyń vıdeosy áleýmettik jelide tarady. Almaty qalasynyń polıtsııa departamenti oqıǵaǵa qatysty túsinikteme berdi, dep habarlaıdy QazAqparat tilshisi.

Qoǵamdyq kóliktiń artyna jabysyp alǵan er adamnyń vıdeosy Instagram jelisinde jarııalandy.

Qalalyq polıtsııa departamentiniń baspasóz qyzmeti bul qaýipsizdikti óreskel buzý ekenin atap ótti.

«Buryndary osyndaı áreket jasaǵandar jaýapqa tartylǵan bolatyn. Biz bul adamdy anyqtap, taýyp, jaýapqa tartamyz», - dep habarlady polıtsııa departamentiniń baspasóz qyzmeti.

Buǵan deıin taǵy bir ekstremal bloger Almaty metrosynyń beınebaqylaý kamerasyna túsip qalǵan bolatyn.

«Abaı» stantsııasynda túsirilgen kadrdan poıyzdyń kele jatqanyn jáne vagonnyń artynda jabysyp turǵan jigitti kórýge bolady.

Poıyz toqtaǵannan keıin jas jigit perronǵa sekirip, sońǵy vagonǵa kiredi.

Keıin ol ustalyp, ákimshilik jaýapkershilikke tartyldy.