Almaty polıtsııasy aýlalardaǵy qoǵamdyq tártipti kamera arqyly baqylamaq
ALMATY. QazAqparat - Almaty jergilikti polıtsııa qyzmeti aýlalardaǵy qoǵamdyq tártipti baqylaýda zamanaýı tehnologııalardy qoldanbaqshy, dep habarlaıdy QazAqparat tilshisi.
Búgin óńirllik kommýnıkatsııalar qyzmetinde Jergilikti polıtsııa qyzmetiniń basshysy Jasulan Baıkenov podezder men aýlalardaǵy beınekameralardy ortaq bazaǵa biriktirý qolǵa alynatynyn jetkizdi.
«Bul jańa tehnologııa Almaly aýdanynyń ІІB-da testilik rejimde júrgizilip jatyr. Birneshe aýlany qashyqtan baqylap otyrý múmkindigi týdy. Adam kóp júrmeıtin aýdandarǵa baqylaý kúsheıtile tústi. Máselen, sondaı jerlerde qozǵalys paıda bolsa, ınspektor birden nazar aýdarady. Inspektor quqyq buzýshylyq áreket baıqasa birden sol mekenjaıǵa ekıpaj jiberedi», - dedi Baıkenov.
Munyń aldynda JPQ basshysy ýchaskelik polıtseılerdiń jumysy beınekameralar arqyly baqylanyp otyratynyn aıtqan bolatyn.
