Almaty polıtsııasy Astex.kz pen ACD Technology qarjy pıramıdasynan zardap shekkenderdi izdeýde
2021 jyly 27 sáýirde bir top adam Almaty qalalyq polıtsııa departamentine qarjylyq pıramıda qurý jáne basqarý faktisi boıynsha «Astex.kz» jáne «ACD Technology» JShS basshylaryna qatysty ujymdyq ótinishpen júgindi (QR QK-niń 217 baby).
«Sotqa deıingi tergeý barysynda 2019 jyldyń aqpanynan bastap 2021 jyldyń qańtaryna deıingi aralyqta atalǵan JShS-nań laýazymdy tulǵalary jeke jáne zańdy tulǵalarmen memlekettik satyp alýǵa qatysý úshin qajet delingen qarajatty tartý boıynsha birlesken qyzmet týraly shart jasasqany anyqtaldy. Ekijaqty qujatqa sáıkes, fırmalar aı saıyn ár salymshyǵa aýdarylǵan somanyń 20% tóleýi kerek bolatyn. Sonymen qatar, «ASTEX.KZ» JShS-na 160 salymshynyń 1 mlrd teńgege jýyq qarajaty basqa kompanııadan «MUDARABAN CAPITAL» JShS arqyly túskeni anyqtaldy. Sondaı-aq, «ASTEX.KZ» JShS men «ACD technology» JShS-na basqa da kompanııalar arqyly salymshylardan aqsha aýdarylǵany belgili boldy», – dedi Almaty qalalyq polıtsııa departamenti bastyǵynyń orynbasary Rústem Ábdirahmanov.
Qarjy pıramıdasyn qurý jáne basqarýdy uıymdastyrǵan, buryn Qylmystyq kodekstiń 311-baby boıynsha sottalǵan, 39 jastaǵy K. jáne 47 jastaǵy M. kúdikti bolyp otyr. Olardy ustaýǵa qatysty jedel-tergeý is-sharalary júrgizilýde. Sot «ASTEX.KZ» JShS-men «ACD technology» JShS zańdy mekenjaılarynda tintý júrgizý týraly qaýly shyǵardy.
«Joǵaryda atalǵan JShS basshylarynyń qylmystyq áreketterinen zardap shekken basqa tulǵalardy anyqtaý úshin azamattar protsesýaldyq turǵydan shaǵymdaný kerek. Osy maqsatta biz zardap shekkenderdiń kómek surap habarlasa alatyn telefondardy habarlaımyz: 8-778-375-16-00 jáne 8-775-594-42-00», – dedi Rústem Ábdrahmanov.