Almaty polıtsııasy arnaıy planshettermen qamtamasyz etiledi

ALMATY. QazAqparat - Bıyl Almatynyń ákimshilik polıtsııasynyń jeke quramy planshettermen tolyqtaı qamtamasyz etilmek. Bul týraly «QazAqparat» HAA tilshisine Almaty qalasy ІІD Ákimshilik polıtsııa basqarmasynyń basshysy Jandos Muratálıev aıtty.

Aıta keteıik, megapolıs polıtseıleriniń 25 paıyzy búgingi tańda jańa júıemen jumys istep keledi. Endi, 2018 jyldyń ekinshi toqsanynda polıtsııa jańa júıege tolyǵymen kóshkeli otyr.

«Búgingi tańda bizdiń polıtseılerdiń 167-si jumystarynda planshet qoldanyp júr. Birinshi toqsannyń sońyna deıin biz 700 planshet satyp alamyz. Osylaısha, jeke quram 100 paıyz gadjettermen qamtamasyz etilmek. Birinshi toqsannyń sońyna deıin quraldardy satyp alyp, sosyn qyzmetkerlerdi úıretemiz. Ekinshi toqsannan bastap, polıtseılerimiz jańa tehnıkamen jumysty bastaıdy», - dedi Muratalıev.

Eske sala keteıák, elektrondy «E-aıyppul» júıesi alǵash ret Astana qalasynda qoldanylǵan bolatyn. Jańa júıe polıtseılerdi qaǵaz nusqadaǵy hattama toltyrýdan bosatady. Sonymen qatar, jańa júıe arqyly endi jol polıtseıleri júrgizýshi týraly tolyq aqparatty JSN nómirimen lezde bile alady. Osylaısha, kóliktiń urlanǵany týraly, jol ejeresiniń qaıtalap buzylǵany nemese júrgizýshiniń sottalǵany týraly aqparat alý jol polıtseıine ońaı bolmaq.