Almaty polıtsııasy alaıaqtyq áreketter jasaǵan kúdiktini áshkereledi
ALMATY. QazAqparat - Almaty qalasynyń Áýezov aýdandyq ishki ister basqarmasy iri kólemde alaıaqtyq áreketter jasaǵan degen kúdikpen 40 jastaǵy Andreı Kım esimdi azamatty tutqyndady.
Bul týraly búgin Almaty qalalyq ІІD baspasóz qyzmetinen habarlady.
«Bizdiń shuǵyl derekterimiz boıynsha, fýtboldan Eýropa chempıonatynda jeńilmeıtin utys tigýge bolatyndyǵyn aıtyp, tanysynan 30 myń dollar alǵan. Sóıtip, oǵan aı saıyn myń dollar kóleminde syıaqy berip turýǵa ýáde beredi.
Taǵy bir jaǵdaıda osy sebeppen 10 myń dollar alǵan. Jábirlenýshiden aryz kelip túsken soń, Kım ustalyp, QR QQ 128-shi babyna sáıkes Almaty qalalyq ІІD ýaqytsha tergeý oqshaýlaǵyshyna qamaldy. Tergeý barysynda bultartpaý sharasy retinde «tutqyndaý» talaby taǵaıyndaldy. Kúdikti aqsha alǵandyǵyn joqqa shyǵarmaıdy, biraq iri somany qaryzǵa alǵandyǵyn aıtyp, aqtalyp jatyr. Endi onyń zańsyz áreketke ne sebepten barǵany tergeý barysynda anyqtalatyn bolady», - dedi Áýezov aýdandyq Іshki ister basqarmasy bastyǵynyń orynbasary, polıtsııa polkovnıgi Qumarbek Kenshinbaev.
Sonymen qatar, polıtsııadaǵylar kúdiktige qatysty Áýezov pen Medeý aýdanynyń ishki ister organdarynyń bólimshelerine úsh aryz kelip túskendigin málim etti. Qazir kúdiktiniń basqa da qylmystarǵa qatysynyń bary-joǵy tekserilip jatyr.
Kúdiktiniń zańsyz áreketterinen zardap shekkender bar bolsa, myna telefon nómirlerine habarlasýlaryna bolady: 298-53-01; 298-53-05 ı 298-53-02.
