Almaty polıtsııasy 9 jasar qyzdy izdestirip jatyr
ALMATY. QazAqparat- Polıtsııa búgin tańǵy saǵat 07:40-ta Seıfýllın dańǵyly boıyndaǵy úıden Almatynyń Túrksib aýdanynda ornalasqan mektepke shyǵyp ketken 9 jasar Aısha Tımýrdy izdestirip jatyr, dep habarlaıdy QazAqparat tilishsi.
Polıtsııa departamentiniń málimetinshe, oqýshy qyzdy izdeýge barlyq polıtsııa jasaqtary, Ulttyq ulan sarbazdary, eriktiler jáne qarapaıym adamdar jumyldyryldy.
Qyz aryqtaý kelgen, shashy qara tústi. Ústinde qyzǵylt kúrteshe, mektep ıýbkasy, qara etik jáne kók qalpaq bolǵan. Joǵalǵan qyzdyń arqasynda qyzyl sómke boldy.
Almaty qalasynyń polıtsııasy qyzdyń júrgen jeri, qaıda ekendigi nemese qyzǵa qatysty basqa da málimetter týraly biletinderdiń barlyǵyn myna telefondar arqyly 298-54-02; 8-702-730-07-08 nemese «102» nomerine dereý habarlaýǵa shaqyrady.
