Almaty polıtsııasy 178 shetel azamattyn eline qaıtardy
ALMATY. QazAqparat - Almatyda myńnan asa sheteldik azamat zańsyz turyp kelgen, dep habarlaıdy QazAqparat tilshisi.
Qalalyq ІІD 24 shildeden bastalǵan «Mıgrant» profılaktıkalyq sharasynyń qorytyndysyn jarııalady. Aptalyq nátıjesinde 1 myń 065 azamat əkimshilik jazaǵa tartyldy. Onyń 178-i elden shyǵaryldy.
«Sot sheshimimen elden 178 sheteldik azamat QR Kóshi qon týraly zańnamany buzǵany úshin syrtqa shyǵaryldy. Shetel azamattaryn zańsyz jumysqa alǵany úshin 34 jumysberýshi jaýapqa tartyldy», - dedi qalalyq ІІD Kóshi-qon basqarmasy basshysynyń orynbasary Jandos Turysbekov.
Al ІІD-niń qabyldaý bólimderiniń 432 sheteldik azamat jetkizilgen. Sonymen qatar, sheteldikter zańsyz jumys jasaıtyn qoǵamdyq oryndar tekserildi.
«Jyl basynan beri Almatyda 212 myń sheteldik azamattyń ishinde Kóshi-qon týraly zańnamany buzǵan 21 myń adam əkimshilik jazaǵa tartyldy, 1 756 adam qamaldy, 1 266 adam eline qaıtaryldy», - dedi Jandos Turysbekov.
