Almaty polıtsııasy 160-tan astam mas júrgizýshi ustady
ALMATY. QazAqparat – Almaty joldarynda mamandandyrylǵan batalon men patrýldik polıtsııa polkiniń ekıpajdary 1 500-ge jýyq jol erejesin buzǵan júrgizýshini anyqtady, dep habarlaıdy QazAqparat tilshisi.
«Atap aıtqanda, jalǵan memlekettik nómiri bar kólikti júrgizgen júrgizýshiler ustaldy. Quqyq buzýshylyqtyń bul túri úshin 85 ákimshilik hattama jasalyp, kólikter arnaıy aıyppul turaǵyna jetkizildi. Sonymen qatar, qarama-qarsy baǵyttaǵy jolaqqa shyǵý boıynsha 37 fakt, ishimdikke nemese esirtkige mas bolyp basqarý boıynsha 164 fakt, memlekettik nómirsiz kólikti basqarýdyń 387, ruqsatsyz qaıta jóndelgen kólik quralyn basqarýdyń 60, tehnıkalyq reglamentter men standarttardyń talaptaryna sáıkes kelmeıtin kólik quralyn júrgizýdiń 112 faktisi jáne t.b buzýshylyqtar anyqtaldy», – dedi Almaty qalalyq PD Ákimshilik polıtsııa basqarmasynyń bastyǵy Jandos Muratalıev.
Sonymen qatar, ol barlyq joldy paıdalanýshylardy jol erejelerin qatań saqtaýǵa shaqyryp, jol qatelikterdi keshirmeıtinin eske saldy.
