Almaty polıtseıleri júrgizýshilerge úndeý jasady
ALMATY. QazAqparat- Almaty polıtsııasy kólik júrgizýshilerine júgindi, dep habarlaıdy QazAqparat tilshisi.
Almatylyq polıtseıler aýa raıynyń nasharlaýyna baılanysty júrgizýshilerdi jolda saq bolýǵa jáne jol erejelerin qatań saqtaýǵa shaqyrdy.
«Olardy jol qozǵalysy erejelerin múltiksiz saqtaýǵa, kólik júrgizý mádenıetin jáne muqııattylyqty arttyrýǵa shaqyramyz. Bul úndeý qazir óte ózekti jáne qala joldarynda qaıǵyly oqıǵalardy boldyrmaýǵa septigin tıgizedi», - dedi, Almaty qalalyq PD jergilikti polıtsııa qyzmeti basqarmasynyń bastyǵy Erjan Uzabaev.
Polıtsııa departamentiniń málimetinshe, bir táýlikte qalada 158 jol-kólik oqıǵasy tirkeldi. Saldarynan 25-i adam zardap shekti. Qaıtys bolǵandar joq.
Qazgıdromettiń boljaýynsha aýa temperatýrasy 11 qańtarda túnde jáne tústen keıin -10...-12 gradýs sýyq bolady.
