Almaty polıtseıleri jaıaý júrginshini mert qylyp, qashyp ketken avtokólikti izdestirip jatyr
ALMATY. Tamyzdyń 10-y. QazAqparat /Ádilet Musahaev/ - Jaqynda túngi saǵat 12-ler shamasynda Almaty qalasynyń soltústik aınalma jolynda jol apaty bolyp,
belgisiz kólik jaıaý júrginshi áıeldi mert qylǵan, dep habarlaıdy QazAqparat Almaty qalasy ІІB-nyń baspasóz qyzmetine silteme jasap.
«Qaza tapqan adamnyń kim ekenin aıqyndaıtyn jeke qujattary bolmaǵan. Bizdiń paıymdaýymyzsha, ol eýropalyq násildi 55-60 jastaǵy adam. Belgili bolǵandaı, ol jol ortasynd kóliktiń saıabyrsýyn kútip turǵan. Alaıda ony belgisiz avtokólik qaǵyp ketken», deıdi JPB-nyń bastyǵy, polıtsııa polkovnıgi Arman Sarbasov.
Sol túni jol polıtsııasy apat bolǵan jerden avtokóliktiń bólshekterin taýyp, onyń aq tústi Nıssan ekenin aıqyndaǵan. Sondaı-aq ol kólik soltústik aınalma jolmen soltústikke qaraı bet alyp bara jatqan.
«Jaıaý júrginshi óte aýyr soqqy alyp, birden kóz jumǵan. Buǵan qarap ony qaqqan kólik óte qatty jyldamdyqpen kele jatqandyǵyn aıtýǵa bolady. Sońǵy kezde kólik apatyn jasaǵan júrgizýshiler kólikterin tastaı sala, onyń joǵalǵandyǵy jaıly habarlap jatady», dep atap ótti A.Sarbasov.
Qazirgi ýaqytta belgisiz kólik izdestirilýde.
