Almaty polıtseıleri jańa kólik aldy
ALMATY. QazAqparat - Almatyda Іshki ister departamentine avtokólikter kiltin tabys etý rásimi ótti, dep habarlaıdy QazAqparat tilshisi.
«Ótken jylmen salystyrǵanda bıyl quqyq qorǵaý organdarynyń materıaldyq-tehnıkalyq jabdyqtaýyna qarajat eki ese kóp jumsaldy. Kelesi jyly ІІD bıýdjeti taǵy 25% ósip, 17 mlrd. teńgeni quraıdy. Ótken jyly 97 dana jańa qyzmettik avtokólik satyp alyndy, al bıyl Ýnıversıadaǵa daıyndyq aıasynda qala bıýdjeti esebinen taǵy 118 dana avtokólik, gazben júretin orta klastyq avtobýs alyndy», - dedi Almaty ákimi Baýyrjan Baıbek.
Onyń aıtýynsha, 2017 jyly 2 mlrd. teńgege gazben júretin qosymsha 250 dana kólik alynady. Osylaısha, ІІD avtoparki tolyq jasaqtalady, bul mekeme jumysynyń shapshańdyǵyna yqpal etedi.
Ol 29 qańtarda bastalatyn Ýnıversıada men EKSPO-2017 syndy iri halyqaralyq sharalar aldynda qaýipsizdik pen quqyqtyq tártipti saqtaý jumystaryn júıeli túrde kúsheıtý qajettigine basa nazar aýdardy.
Osylaısha, búgin mekeme ókilderine 118 avtokóliktiń kilti tabys etildi: 107 Kia Cerato jeńil kóligi, 5 PAZ-32053 avtobýsy jáne 6 dana GAZ-2705 arnaıy tehnıkasy. Atalǵan kólikter jergilikti bıýdjet esebinen alyndy. Kólikterdiń Qazaqstanda qurastyrylǵanyn da atap ótken jón.
«Sybaılas jemqorlyq qaýpin azaıtý úshin jergili polıtsııa qyzmetkerleriniń teń jartysy beınetirkeýishpen qamtamasyz etiledi. Sonymen birge, kelesi jyly parkter, saıabaqtar, alańdarǵa beınekameralar ornatý jáne ІІD jedel basqarý ortalyǵyn jańartý jobasy bastalady», - dep túıindedi ákim.
