Almaty polıtseıleri turaqty túrde esirtki satýmen aınalysqan áıeldi ustady
ALMATY. Maýsymnyń 21-i. QazAqparat /Názıra Eleýhan / - Almaty polıtseıleri esirtki satýmen turaqty aınalysqan 46 jastaǵy áıeldi ustady. Ol buǵan deıin de esirtki satqandyǵy úshin alty ret sottalǵan bolyp shyqty.
Ustalǵan áıel «bul meniń jalǵyz kúnkóris kásibim bolǵandyqtan, túrmeden bosaǵan saıyn qaıtadan esirtki satýmen aınalysýǵa májbúr boldym», dep túsindirgen óz kinásin.
"Saýdager satyp alýshylaryna kezekti kezdesýge barǵanda geroınmen qosa úsh chek alyp barǵan. Ár paketin bes myń teńgege baǵalaǵan. Ol osy aqshany alý barysynda qolǵa tústi. Ustaý kezinde kúdikti esh qarsylyq kórsetpedi. Al, onyń týystary men tanystary tekserý jumystaryna kedergi jasamaq boldy", dedi arnaıy operatsııa jumysy jaıynda aıtqan Almaty qalasy ІІD-niń esirtki bıznesimen kúres Basqarmasynyń bastyǵy Denıs Loskýtov.
