Almaty polıtseıleri tonaý maqsatynda adam óltirgen qylmysty ashty
ALMATY. Tamyzdyń 24-i. QazAqparat /Ádilet Musahaev/ - Almaty polıtseıleri tonaý maqsatynda adam óltirgen qylmysty ashty, dep habarlaıdy QazAqparat Almaty qalasy ІІB-nyń baspasóz qyzmetine silteme jasap.
Bul joly qylmyskerlerdiń qurbanyna Omarov kóshesinde turatyn úı ıesi men onyń dosy aınalyp otyr. Qylmystyq is materıaldarynda aıtylǵandaı túngi on birler shamasynda jábirlenýshiniń páterine eki erkek kelgen. Beıtanystar úı ishin qıratyp, úı ıesi men dosyna aqsha men qundy zattardy berýin talap etip, olardy ura bastaıdy.
«Óte qatygezdikpen soqqyǵa jyqqanymen qoımaı qaskúnemder pyshaq jumsaıdy. Úı ıesiniń til qatpaı mert bolǵanyn kórgen olar kýágerden arylý úshin onyń dosyn da pyshaqpen urǵylaıdy. Degenmen dárigerler 44 jasar erkektiń janyn saqtap qaldy. Ol esin jııa salysymen shabýyl jasaýshylardyń kelbeti men sol keshte oryn alǵan oqıǵany sıpattap berdi», deıdi Almaty qalasy Jetisý aýdanynyń ІІB-nyń bastyǵy podpolkovnık Qanat Taımerdenov.
Onyń aıtýynsha kýágerdiń bergen málimdemesi tergeý jumystaryna óz kómegin tıgizgen. Jedel izdestirý sharalary nátıjesinde Shyǵys Qazaqstan oblysynyń eki turǵynynyń izine túsken. Onyń biri bopsalaý men qylmysty jasyrǵany úshin 6,5 jylǵa bas bostandyǵynan aıyrylǵan. Quryqtalǵan ekeýi de Almatyda jaldamaly páterde turyp jatqan. "Biz ShQO-daǵy áriptesterimizben baılanysqa tústik, olar da ustalýshylardyń óz jerindegi qylmysty isterge qatysy bar ekendigin aıtýda ", dep atap ótti Q.Taımerdenov
Belgili bolǵandaı ustalǵandar biraz ýaqyt ortalyq kıim-keshek bazarynda júk tasýshy bolyp jumys istegen, qazirgi ýaqytta Almaty aýmaǵyndaǵy basqa da qylmystyq isterge qatysy barlyǵy tergelýde.
