Almaty polıtseıleri Reseıdiń úsh azamatyna qastandyq jasaǵandardy ustady
ALMATY. Tamyzdyń 27-si. QazAqparat /Názıra Eleýhan/ - Almaty polıtseıleri jaqynda, shildeniń 9-y kúni «Mega» saýda ortalyǵynyń jerasty turaǵynda Reseıdiń úsh azamatyna qastandyq jasaǵan adamdardy ustady. Olarǵa beımálim eki adam oq atqan bolatyn,
dep habarlaıdy Almaty qalasynyń ІІD-niń baspasóz qyzmeti.
"Bul qylmystyq is adam óltirýge jasalǵan qastandyq dep qaraldy. Tekseris barysynda, qylmyskerler minip qashqan kólik tez arada anyqtaldy. «Toıota» kóliginiń ıesi birneshe saǵattan keıin ustaldy. Odan keıin bul qylmysqa qatysy bar ekeýdiń aty-jónderi belgili bolyp, olarǵa halyqaralyq izdeý jarııalanǵan bolatyn. Tekserýdiń izi qyrǵyz eliniń astanasyna alyp keldi. Olardy qala ortalyǵyndaǵy úılerdiń birinde ustadyq", dedi Almaty qalasynyń ІІD basqarmasynyń bastyǵy, polıtsııa polkovnıgi Amangeldi Shiderqulov.
Onyń aıtýynsha, qylmyskerler qarsylyq jasap úlgermegen. "Búgin olar Almatyǵa alyp kelinedi. Qazirdiń ózinde olar tergeý suraqtaryna jaýap berýde. Olardyń aıtýynsha, aralaryndaǵy janjal aıaq astynan bolǵan", dedi ol.
Ustalǵandardyń biri 24-te, ekinshisi 23 jasta. Olar Almaty oblysy Nura aýylynyń turǵyndary. Ekeýiniń de naqty jumys orny joq. Olardyń basqa qylmystarǵa qatysy bar-joǵy tekserilýde.
