Almaty polıtseıleri Prezıdenttik test tapsyrdy (FOTO)
ALMATY. QazAqparat - Almatyda 1500-deı polıtsııa qyzmetkeri dene daıarlyǵy boıynsha Prezıdenttik test tapsyrdy. Synaq dástúrli túrde «Dınamo» stadıonynda ótti. Bul týraly búgin Almaty qalalyq ІІD baspasóz qyzmetinen habarlady.
«Júgirýge Іshki ister departamentiniń barlyq qyzmetteri men bólimsheleriniń ókilderi qatysty. Júgirý qashyqtyǵy - 2 shaqyrym 400 metr boldy. Qatysýshylardyń jas mólsherine baılanysty ýaqyttyq shekteýler qoıyldy.
Jalpy, turǵyndardyń dene daıarlyǵy boıynsha Prezıdenttik test normatıvterin qabyldaý QR Úkimetiniń 2013 jylǵy 31 jeltoqsanda shyǵarǵan qaýlysy negizinde júzege asyrylyp keledi.
Sharanyń maqsaty - salamatty ómir saltyn nasıhattaý jáne qyzmetkerlerimizdiń dene daıarlyǵy deńgeıin arttyrý», - dedi osyǵan oraı Almaty qalalyq ІІD Kadrlyq jumys basqarmasy bastyǵynyń orynbasary, polıtsııa podpolkovnıgi Oljas Myrzabekov.
Aıta ketelik, qatysýshylardyń barlyǵy Prezıdenttik testini úzdik tapsyrdy.
