Almaty polıtseıleri páter tonaýmen aınalysyp kelgen topty áshkerledi
ALMATY. Tamyzdyń 23-i. QazAqparat /Ádilet Musahaev/ - Qylmyskerler Qabanbaı batyr kóshesi boıyndaǵy №260-shy úıdegi bir páterdi tonaý barysynda quryqtalǵan,
dep habarlaıdy QazAqparat Almaty qalasy ІІB-na silteme jasap.
Tús aýa polıtsııa bólimshesine bir áıel qońyraý shalyp, baspaldaqpen kúdikti erkekterdiń joǵarǵy qabatqa kóterilip bara jatqanyn habarlaǵan. Úsh mınýt óte salysymen álgi úıdiń kireberisne eki «Býran» sholǵynshy ekıpajy kelip, tekserý júrgizý kezinde bir páterdiń syrtqy esiginiń qulpy buzylǵandyǵyn baıqaǵan, deıdi sholǵynshy polıtsııa maıory Serik Kenenbaev.
Kúzet adamdaryn kórgen qylmyskerler birden terezeden sekirip, qasha jónelgen, degenimen syrtta turǵan polıtsııanyń ekinshi tobyna tap bolǵan kúdiktiler kóp uzamaǵan.
Sondaı-aq olar qala ishinde «Leksýs» avtokóligimen júrgendigi anyqtalyp, tárkileý barysynda kólikten 5 noýtbýk pen birneshe uıaly telefon tabylǵan.
S.Kenenbaevtyń aıtýynsha, ustalǵan eki qylmysker de Shyǵys Qazaqstan oblysynyń turǵyndary jáne olar urlyq pen qaraqshylyq shabýyl jasaǵany úshin buryn da qylmystyq jaýapqa tartylǵan. Tergeý barysynda páter tonaýshylardyń basqa da ashylmaǵan qylmystarǵa qatysy bar, joqtyǵy anyqtalýda.
