Almaty polıtseıleri óz páterinde esirtki saýdalap kelgen áıeldi quryqtady
ALMATY. 2 naýryz. QazAqparat /Ádilet Musahaev/ - Almatynyń 43 jastaǵy turǵyny esirtkini óz páterinde saýdalap kelgen. Tatıana esimdi áıeldiń úsh bólmeli úıi esirtkini turaqty paıdalanatyn nashaqorlardyń baspanasyna aınalǵan.
«Jaqynda esirtkiniń kóptegen túrin saýdalap kelgen bul áıeldiń kúıeýi bizdiń quryǵymyzǵa ilingen bolatyn. Іstegen qylmysyna qaraı sot ony bes jylǵa bas bostandyǵynan aıyrǵan edi. Kúıeýi qamalǵan soń onyń «bıznesin» áıeli óz qolyna alyp, esirtkini burynǵy tutynýshylaryna saýdalaǵan. Sonymen qatar ol óte saqtyqpen tek turaqty ári tekserilgen satyp alýshylarmen ǵana jumys istegen", -deıdi Almaty qalasy ІІD-niń Esirtki bıznesimen kúres basqarmasynyń bastyǵy, polıtsııa maıory Denıs Loskýtov.
Kóp uzamaı otbasylyq bıznesti jalǵastyrýshy da Esirtki bıznesimen kúres basqarmasy qyzmetkerleriniń tizimine ilinedi. Ony quryqtamas buryn barlaý bóliminiń qyzmetkerleri birneshe ret esirtki satyp alyp, aýdıo jáne beıne túsirilimder jasaǵan. Áıel tutynýshyǵa geroın saýdalaý barysynda ustalǵan.
"Arnaıy operatsııa kezinde aldyn- ala ázirlenip qoıylǵan 14 myń teńge men saýdaǵa shyǵarylǵan esirtki tárkilengen. Sonymen qatar tekseris kezinde as úıdegi muzdatqyshtyń artynda geroındi tyqqan jasyryn oryn tabylǵan. Tabylǵan barlyq esirtki zattary hımııalyq sarapqa jiberilip, nátıjesinde untaqtyń salmaǵy men quramy anyqtaldy", -deıdi maıor.
Tatıana esirtkini óziniń kishkentaı eki qyzy men birge turyp jatqan ápkesiniń kózinshe saýdalaǵan. Ustalǵan áıel jaýapkershilikten qutylý úshin, kinásin óz týystaryna jaýyp, bul qylmysqa solardyń tikeleı qatysy bar ekendigin aıtqan. Tergeýshiler onyń bergen jaýabyn tekserý ústinde.
