Almaty polıtseıleri odorologııalyq saraptamalardyń kómegimen 14 qylmysty ashqan
ALMATY. QazAqparat - Almaty Polıtsııasy jyl basynan beri odorologııalyq synamanyń kómegimen 14 qylmysty ashqan, dep habarlaıdy QazAqparat tilshisi.
Odorologııa bólimi krımınalıstıkanyń qylmys ornynan ıis anyqtaý men tárkileýmen aınalysady.
Almaty qalasynyń PD Jedel-krımınalıstıkalyq basqarmasynda bastap odorologııalyq zerthana 1998 jyldan jumys isteıdi. Bul bólimde ıister saqtalady jáne zertteledi.
«Odorologııa – ıister týraly ǵylym. Qylmys oryndarynan biz ıisterdi alyp, odorologııalyq zerthanaǵa jetkizemiz. Odorolog mamandar oqıǵa ornyna Almaty qalasynyń PD jedel-tergeý tobynyń quramynda shyǵady. Almaty PD odorologııa zerthanasy – Qazaqstandaǵy eń ozyq úlgidegi zerthanalardyń biri. Zerthana ashylǵaly beri kóptegen aýyr jáne asa aýyr qylmystardyń ashylýyna yqpal etti. Mysaly, 2020 jyldyń birinshi jartyjyldyǵynda mamandar 15 synama ótkizdi, onyń 14-i oń nátıje berdi», – dedi Almaty qalasynyń PD Jedel-krımınalıstıkalyq basqarmasynyń aǵa krımınalısi Natavan Alıeva.
Mamannyń aıtýynsha, ıis izderi shyny ydysqa salynǵan sterıldi flanelde saqtalady.
«Zertteýler ınspektor – kınolog jáne arnaıy úıretilgen ıt – bıodetektor qatysatyn Almaty qalasynyń PD Kınologııalyq ortalyǵynyń bazasynda júzege asyrylady. Ittiń ıis sezý qabileti adamǵa qaraǵanda 700 ese artyq. Zertteýlerdiń bul túri ózektiligin joımaıdy, sebebi adam kez-kelgen nysanmen túıisken kezde onyń jeke ısi sol jerde mindetti túrde qalady», – dedi Natavan Alıeva.
