Almaty polıtseıleri qymbat shetel kólikteriniń aınalaryn urlaǵan jasóspirimderdi ustady
ALMATY. 4 qarasha. QazAqparat /Názıra Eleýhan/ - Almatyda qala polıtseıleri qymbat shetel kólikteriniń aınalaryn urlaǵan jasóspirimderdiń qylmysyn áshkereledi.
Shet eldik qymbat kólikterdiń aınalaryn urlaýmen aınalysqan jasóspirimderdiń biri áli kámelettik jasqa da tolmaǵan qaladaǵy balalar úıleriniń biriniń tárbıelenýshisi bolyp shyqqan. Olar óz isterin túngi ýaqytta kúzeti joq turaqtarda jáne qalanyń «elıtalyq» aýdandary men iri saýda oryndarynyń mańynda júzege asyrǵan.
«Bir tún ishinde olar 5-6 avtokólikti tonaǵan. Al qylmystyq jolmen tapqan oljalary kúnbe-kún júzdegen myń teńgeni quraǵan, árbir aınanyń eki juby, mysalǵa «Leksýs» avtokóliginiki 100 myń teńgeden astam bolsa, «Mersedestiki» 85 myń teńge turady. Ertemen urlaǵandaryn qalanyń ártúrli saýda núktelerine bes ese arzan baǵaǵa saýdalaǵan. Qazirgi ýaqytta protsessýaldy jolmen olardyń 13 oqıǵaǵa qatystylyǵy dáleldendi»,- deıdi Almaty qalasy ІІD Krımınaldy polıtsııa basqarmasynyń múliktik qylmystardy ashý bóliminiń bastyǵy, polıtsııa podpolkovnıgi Arsen Baımuhanbetov.
