Almaty polıtseıleri kúndiz kólik jýyp, túnde urlyqqa túsetinderdi anyqtady
ALMATY.QazAqparat - M.Áýezov aýdanynyń jol saqshylary kezekti avtorurylardy qylmys ústinde qolǵa túsirdi. Olar buǵan deıin antıradar-detektor qurylǵylaryn urlaýmen aınalysyp júrgen, dep habarlaıdy QazAqpart tilshisi.
«Kúdiktiler kóliktiń terezesin taspen uryp syndyrǵan. Keıin ishindegi beınetirkeýish pen antıradar qurylǵylaryn urlaǵan. Saıt arqyly olardy basqa bireýlerge satyp otyrǵan. 26 men 22 jastaǵy Jambyl jáne Túrkistan oblysynyń azamattar qamaýǵa alyndy. Olardyń biri buryn urlyǵy úshin isti bolǵan. Megapolıske aqsha tabýǵa kelgen jastar kúndiz avtokólik jýyp kúneltken. Aıǵaq retinde 6 zat tárkilendi. Qylmystyq iske baılanysty QR QK-niń 188-baby boıynsha M.Áýezov aýdandyq ІІB tergeýshileri sotqa deıin tergeý júrgizýde. Sonymen birge krımınaldy polıtsııa qamaýǵa alynǵandardyń jeke basyna qatysty málimetti zerttep, buǵan deıingi basqa da qylmystarǵa qatystylyǵyn tekserýde», - dedi M.Áýezov aýdandyq ІІB bastyǵy Álisher Tursynbetov.
