Almaty polıtseıleri QR áskerı sotynyń tóraǵasy S.Baıbatorovqa oq atqan adamdy anyqtady
ALMATY. Tamyzdyń 24-i. QazAqparat /Ádilet Musahaev/ - Keshe saǵat 09:00-de Jarokov pen Levıtan kósheleriniń qıylysynda QR áskerı sotynyń tóraǵasy Serik Baıbatyrovqa qastandyq jasalyp, ańshy qarýynan oq atylǵan. Oqtyń ótip bara jatqan «Mıtsýbısı Padjero» markaly avtokólikten atylǵandyǵy birden anyqtalǵan, dep habarlaıdy QazAqparat Almaty qalasy ІІB-nyń baspasóz qyzmetine silteme jasap.
Atalmysh kólikti qýdalaý barysynda qylmysker avtokóligin bir úıdiń aýlasyna tastap, jaıaý qashyp, jasyrynyp úlgergen.
Qazirgi ýaqytta qarý paıdalanýshynyń kim ekendigi anyqtalǵan. Ol Soltústik Qazaqstan oblysynyń turǵyny bolyp tabylatyn Serik Baıbatyrovtyń 39 jasar burynǵy kúıeý balasy Rýslan Edresov bolyp shyqty.
Qylmyskerdi ustaý men onyń turǵan jerin anyqtaý maqsatynda jedel izdestirý sharalary júrgizilip jatyr.
