Almaty polıtseıleri kezekti alaıaqtyń qylmystyq isin ashty
ALMATY. Qazannyń 1-i. QazAqparat /Názıra Eleýhan/- Almaty polıtseıleri kezekti alaıaqtyń qylmystyq isin ashty. Bul joly 50 jastaǵy Narǵyz esimdi qylmysker adamdardyń senimine kirip, ózinde joq, qalanyń eń qymbat jer ýchaskelerin satýmen aınalysqan. Oǵan aldanǵan bir adam 5 mıllıon teńgeden astam aqshasyn bergen.
"Áıel úlken jerdiń ıesimin dep qorshalmaǵan jer ýchaskelerin kórsetip, satyp alýshylardan kepilaqyny alyp, kelesi joly kelgende qujattardy alyp kelemin dep ýáde berip, san soqtyryp júrgen. Ózine jalǵan birneshe at qoıyp, birneshe qalta telefonyn ustaǵan. Aldanýshylar ol týraly tolyq aqparattardy bilmegendikten, izdeý qıynǵa soqty. Degenmen, bizdegi polıtsııalyq kartotekanyń kómegimen qylmyskerdi tez arada taptyq", dedi Almaty qalasynyń ІІD-niń krımınaldy polıtsııa basqarmasynyń múliktik qylmyspen kúres bóliminiń bastyǵy Ársen Baımuhanbetov.
Onyń aıtýynsha, qylmysker buǵan deıin 2001 jyly birneshe alaıaqtyq jasaǵandyǵy úshin 6 jylǵa sottalǵan. "Búginde onyń 23 osy syndy alaıaqtyq qylmysy anyqtaldy. Qazir bul áıelden zardap shekkender izdestirilýde" , dedi Ársen Baımuhanbetov.
