Almaty polıtseıleri keńselerdi tonap kelgen urynyń jolyn kesti

dep habarlaıdy QazAqparat Almaty qalasy ІІD-niń baspasóz qyzmetine silteme jasap.

Sársenbige qaraǵan túni 29 jastaǵy jergilikti turǵyn Medeý aýdanynda birinshi qabatta ornalasqan keńselerdi izdestirip, torýylǵa shyǵady.

"Terezesi ashyq qalǵan fırma keńsesin baıqaǵan ury qıyndyqsyz ishke kirip, esepshi bólmesindegi seıfti alyp ketpek bolǵan. Biraq seıfti kótere almaǵan, degenimen baǵaly eki noýtbýkty keńseden alyp shyqqan", deıdi Medeý aýdandyq ІІB-nyń bastyǵy, polıtsııa podpolkovnıgi Baqyt Qasabekov.

Osy ýaqytta keńse janynan ótip bara jatqan «Boran-132» sholǵynshy ekıpajy júrisi kúdik týdyrǵan azamatty baıqap qalady. Ol qıpalaqtap, túrin jasyrý úshin jan-jaǵyna qaraı bergen. "Sholǵynshy ekıpaj qolynda urlanǵan tehnıkalar salynǵan qol dorbasy bar kúdiktiniń jeke qujatyn teksergen. Ol tııanaqty jumysy joq Túrkisib aýdanynyń turǵyny bolyp shyqqan", dep atap ótti B.Qasabekov.

Tergeý barysynda ustalýshy tonaýshylyqpen aınalysqanyn moıyndaǵan. Onyń qansha qylmystyq isterge qatysy barlyǵy aldaǵy tergeý jumystarynan keıin belgili bolady.