Almaty polıtseıleri kásibı merekelerin dástúrli estafetamen atap ótti (FOTO)
ALMATY. QazAqparat - Almaty polıtseıleri bıyl kásibı merekelerin dástúrli estafetamen atap ótti. «Dınamo» stadıonynda uıymdastyrylǵan sporttyq sharaǵa 200 den astam polıtseı qatysty. Bul týraly qalalyq ІІD baspasóz qyzmeti habarlady.
Estafeta Almaty kóshelerinde ótti. Gaztutqyshpen, avtomatpen júgirý kezeńderinde 15 komanda baq synady.
«Eń basty talap polıtseı kıimimen júgirý boldy. Bul azamattardyń boıynda quqyq qorǵaý organdarynyń jumysyn kórsetip, olarǵa senimin nyǵaıtý úshin jasaldy. Salaýatty ómir salty polıtseılerdiń kúndelikti ómiriniń ajyramas bóligi. Deni saý polıtseı árqashan qylmysty ashýda, ony boldyrmaýda úlken kómek kórsetedi. Búginde ІІD jeke quramynda kásibı sportshylar, sport sheberleri, halyqaralyq deńgeıdegi sport sheberleri óte kóp. Olar álemdik dodalarda Qazaqstannyń atyn shyǵaryp júr», - dedi Almaty qalalyq ІІD kadrlyq jumys basqarmasy basshysynyń orynbasary Oljas Myrzabekov.
Estafeta qorytyndysy boıynsha «Arlan» arnaıy jasaǵynyń komandasy bas júldeni ıelendi. Ekinshi orynǵa jyldam áreket etetin arnaıy jasaqtyń sarbazdary (SOBR) taban tiredi. Úshinshi orynǵa jol-patrýldik polıtsııa ókilderi laıyq dep tanyldy.
