Almaty polıtseıleri qaraýsyz júrgen balalardy anyqtaý boıynsha sharany qolǵa aldy
ALMATY. Aqpannyń 17-si. QazAqparat /Ernar Beken/ - Almatyda ata-ana qaraýynan jáne qadaǵalaýynan tys júrgen balalardy anyqtaýǵa arnalǵan «Mektepterdegi tártip» sharasy bastaldy. Bul is-sharanyń basty maqsaty jasóspirimder arasynda oryn alatyn qylmystardy eskertý jáne aldyn alý, sondaı-aq balalardy zańsyz áreketterge tartatyn eresekterdi anyqtaý bolyp tabylady,
dep habarlaıdy QazAqparat.
Almaty qalasynyń ІІD baspasóz qyzmeti taratqan aqparatqa súıensek, tórt kúnge sozylatyn sharanyń aıasynda kámelettik jasqa tolmaǵandarǵa qatysty ahýaldy turaqtandyrý, jasóspirimder arasynda qylmystar men quqyq buzýshylyqtardyń jolyn kesý jáne aldyn alý, esirtki men ózge de zııandy zattardyń taralýyna jol bermeý kózdelgen. Jalpy bilim berý mektepteriniń, kolledjderdiń oqýshylary arasynda esirtki zattaryn qoldanatyn jasósipirimder anyqtalǵan jaǵdaıda, olar qoldanystaǵy zańnamaǵa sáıkes statsıonarlyq emdelýge jiberiletin bolady.
«Qazirde keıbir kámelettik jasqa tolmaǵandar bos ýaqyttaryn túngi kóńil kóterý oryndarynda ótkizgendi qalaıdy. Sondyqtan osy shara kezinde balalardyń, jasóspirimderdiń kóp shoǵyrlanatyn jerleri, sonyń ishinde dıskoklýbtar, kompıýterlik oıyn salondary, kafeler, barlar, úılerdiń jertóleleri men shatyrlary, kúdik týǵyzatyn páterler aýqymdy túrde tekseriledi», - deıdi Almaty q. ІІD Qoǵamdyq qaýipsizdik basqarmasy bastyǵynyń orynbasary, polıtsııa polkovnıgi Aıgúl Shópshekbaeva.
Osy oraıda aıta ketelik, ótken jyly kámelettik jasqa tolmaǵandardyń arasynda qylmystyń deńgeıi 5,2 paıyzǵa tómendegen. Buǵan qalanyń bilim ordalarynda mekteptik polıtsııa ınspektorlaryn engizý úlken septigin tıgizdi. Osynyń arqasynda, búginde orta mektepterdiń aýmaǵynda birde-bir qylmys tirkelmegen.
Sondaı-aq shara aıasynda polıtsııa qyzmetkerleri balalar mekemelerine jaqyn mańda ornalasqan saýda núktelerinde kámelettik jasqa tolmaǵandardyń araq-sharap ónimderin jáne temeki satyp alý derekterin áshkereleýdi josparlanyp otyr. Osy jedel-aldyn alý sharasynyń qorytyndysy ústimizdegi jyldyń aqpannyń 19-ynda shyǵarylady.
