Almaty polıtseıleri iz-túzsiz joǵalǵandar tizimindegi 10-synyp oqýshysyn jynystyq májbúrlikten bosatty

dep habarlady Almaty qalalyq ІІD baspasóz qyzmeti.

Ońtústik Qazaqstan oblysy Tóle bı aýdanyndaǵy orta mektepterdiń biriniń 10-synyp oqýshysy - 16-jasar Aıjan bes aı buryn iz-túzsiz joǵalyp ketken. Áke-sheshesi qaıtys bolǵan Aıjan, jeltoqsan aıynyń keshinde mektepten oralmaǵan qyz týraly polıtsııaǵa habarlaǵan kókesi men ákpesiniń baǵýynda bolǵan.

«Júrgizilgen jedel-izdestirý jáne tergeý is-sharasynyń nátıjesinde bolǵan jaı aıqyndala bastady. Kámeletke tolmaǵan qyz bala qylmyskerlerdiń nazaryna Jańa jyl meıramy qarsańynda Almatyǵa qurbysyna qonaqqa kelgen kezde túsken. Temirjol vokzaly mańynda taksı ustaǵan qyzǵa rólde jeńgetaı otyrǵan kólik toqtaǵan. Tanysýdy syltaýratqan er adam oqýshy qyzdyń taǵdyry týraly bilip alǵan soń, oǵan qaladan jaqsy jumys usynǵan. Birneshe saǵat ótkennen keıin ol jas qyzdy jalǵa alynǵan páterge aldap alyp kelip, óziniń sybaılasy - 36 jastaǵy azamatsha M.-ǵa ákelip bergen»,- dedi bul sumdyq is jaıynda egjeı-tegjeıli baıandaǵan Almaty qalalyq ІІD Uıymdasqan qylmysqa qarsy kúres basqarmasynyń bastyǵy, polıtsııa polkovnıgi Valerıı Kozlov.

Sodan beri Aıjanǵa jezókshelikpen aınalysýǵa týra kelgen. Onyń aıtýynsha, osy aılardyń bári sumdyq aılar bolǵan, jeńgetaımen birge jaldamaly páterde turǵan, kún saıyn jaqyn mańdaǵy qonaq úıge aparyp, klıentterge qyzmet kórsetýge májbúrlegen. Osy ýaqyttardyń bárinde «jumys berýshiler» Aıjanǵa qorlyq kórsetip, baǵynbaǵan jaǵdaıda ony uryp-soqqan.

Bir kúni tutqyn qyz batyldyq tanytyp, bolǵan jaıt týraly klıentteriniń birine aıtyp bergen. Ol óz kezeginde bul týraly polıtsııaǵa habarlaǵan jáne dál sol kúni keshke mektep oqýshysy aman-esen bosatyldy. Kúdikti azamatsha M. jábirlenýshiniń kórsetkenderin teriske shyǵara almady jáne adamdy zańsyz bas bostandyǵynan aıyrǵanyn moıyndady. Eske sala ketý kerek, bolashaqta - osy qylmysqa qatysy bar basqa da adamdar qamaýǵa alynyp, qylmystyq is qozǵalatyn bolady. Al qyzdyń týystaryna biz onyń bosatylǵany týraly habarladyq», - dep sózin túıindedi polkovnık Kozlov.