Almaty polıtseıleri iri kólemde esirtki satýshyny quryqtady
ALMATY. Tamyzdyń 12-si. QazAqparat /Ádilet Musahaev/ - Almatyda kóp mólsherde esirtki saýdalaǵan Jambyl oblysy, Qordaı aýdanynyń turǵynyn quryqtady,
dep habarlaıdy QazAqparat Almaty ІІB-nyń baspasóz qyzmetine silteme jasap.
Tergeý jumystary kórsetkendeı, 24 jasar R. esimdi azamat esirtki zatyn óndirýshi, ári ony saýdalaýshy bolyp shyqqan. Eki kún buryn Almatyǵa kelgen pysyqaı eki kılá gashıshti saýdalaý barysynda qolǵa túsken.
«Qordaıdyń jumyssyz turǵyny iri kólemde esirtki satyp alýshyny izdep júr degen jedel málimet kelip tústi. Sondaı-aq ol jeke tutynýshylardy emes, iri mólsherde esirtki alyp, kóterme baǵamen satatatyndardy izdegen. Málimetti anyqtaý úshin bir táýlikke jýyq ýaqyt ketti. Ony quryqtaý operatsııasyn arnaıy jasaqtyń jaýyngerlerimen birlesip erteńinde ótkizdik», deıdi Almaty qalasy ІІB esirtkimen kúres basqarmasynyń bastyǵy, polıtsııa maıory Denıs Loskýtov.
Tergeý barysynda qylmysker óz kinásin moıyndap, jalǵyz áreket etkendigin aıtty. «Ol eki jyldan beri jumys taba almaı, osyndaı jolǵa barýǵa májbúr bolǵanyn aıtýda. Buryn jaýaqa tartylmaǵan. Qazir tergeý jumystary jalǵasýda», deıdi maıor.
Qalalyq esirtkimen kúres ókilderi tárkilengen esirtkini hımııalyq saraptamaǵa jibergen. Onyń taza salmaǵy 1 kılá 737 gramdy quraǵan.
