Almaty polıtseıleri halyqqa medıtsınalyq maskalar taratyp jatyr
ALMATY. QazAqparat - Polıtsııa qyzmetkerleri Almaty kóshelerinde halyqqa medıtsınalyq maskalar taratyp jatyr, dep habarlaıdy QazAqparat tilshisi.
Tártip saqshylary qalada azamattar arasynda qoǵamdyq oryndardaǵy sanıtarlyq-gıgıenalyq normalardy saqtaý qajettiligi týraly túsindirý jumystaryn kúsheıtti.
«Júrgizilip jatqan bul naýqannyń maqsaty – azamattarǵa karantınniń áli aıaqtalmaǵanyn jáne saqtyq sharalaryn saqtaý kerektigin eskertý. Ókinishke oraı keıbir azamattar qoǵamdyq oryndarda bolǵan kezde jeke qorǵanystyń negizgi qaǵıdalaryn ustanbaıdy. Ár adamnyń qaýiptiń áli seıilmegenin túsinýi óte mańyzdy, al qorǵanys quraldary onyń saldarlaryn azaıtýǵa kómektesedi. Belgili bir sebeptermen maskasyz júrgen azamattarǵa bizdiń qyzmetkerler maska taratyp jatyr», – dedi Almaty qalasynyń PD Jergilikti polıtsııa qyzmeti basqarmasynyń bastyǵy Manap Sattarov.
