Almaty polıtseıleri «Halyqaralyq áýejaı alańyndaǵy» kólik qozǵalystaryn retteýde
ALMATY. Tamyzdyń 4-i. QazAqparat /Erbol Turymbetov/ - Almaty qalalyq ІІD-niń jol polıtsııasy «Almaty halyqaralyq áýejaıy» alańyndaǵy kólik qozǵalystaryn retteýge arnalǵan jedel-profılaktıkalyq jumystaryn júrgizýde, dep habarlaıdy Almaty qalalyq ІІD-niń baspasóz qyzmeti.
Oǵan salyq komıteti ókilderi men kóshi-qon polıtsııasy da qatysýda. Sharanyń arnaıy qolǵa alynýyna sońǵy ýaqyttaǵy jekemenshik tasymaldaýshylardyń jol erejelerin jıi buza bastaýy sebep bolyp otyr. Jekemenshik jolaýshy tasymaldaýshylar keıde klıent tabý jolynda qarapaıym qoǵamdyq tártip pen zań erejelerin óreskel buzyp jatqandaryna mán bermeıdi.
«Osy shara barysynda jol polıtsııasy ókilderimen qatar salyq komıtetiniń qyzmetkerleri de qatysýda. Sebebi, taksıster bul qyzmetpen solardyń ruqsatymen ǵana aınalysa alady. Sonymen birge, bizdiń aramyzdaǵy kóshi-qon polıtsııasy qyzmetkerleri júrgizýshiler arasynda ruqsatsyz júrgen syrt memleket azamattarynyń bolý-bolmaýyn qadaǵalaıdy. Al jol polıtsııasy jol erejesin buzýshylarǵa ákimshilik shara qoldanatyn bolady», dedi Almaty qalalyq ІІD-niń jol polıtsııasy basqarmasynyń bastyǵy, polkovnık Arman Sarybasov.
Polıtsııa qyzmetkerleri, ásirese, halyqaralyq áýe qatynastary kezindegi qarbalasta qyraǵylyq tanytady. Bul ýaqytta taksıster sheteldik qonaqtardy qarsy alýǵa jantalasyp, kólikterin arnaıy turaqtan bólek qolaısyz jerlerge qoıyp kete beredi.
«Bul sharanyń basty maqsaty áýejaı aýmaǵyndaǵy turaqtylyqty qalpyna keltirý. Soǵan saı sheteldik qonaqtar da elimizdiń qyzmet kórsetý sapasynyń joǵarylyǵyna kýá bolady. Al ótkizilip jatqan shara barysyndaǵy nazarǵa ilikken júrgizýshiler polıtsııanyń barlyq tekserisinen ótip, budan buryn da qylmystyq iske jaýaptylyǵy anyqtalatyn bolady», deıdi polıtsııa polkovnıgi. Onyń aıtýynsha, búgingi 2 saǵattyq tekserý ishinde 30-dan astam ákimshilik hattama toltyrylǵan.
Keshe bastalǵan 3 kúndik jedel-profılaktıkalyq shara erteń aıaqtalady dep josparlanǵan.
