Almaty polıtseıleri Germanııa azamatynyń urlanǵan mototsıklin taýyp berdi
ALMATY.QazAqparat - Almaty polıtseıleri Germanııa azamatynyń urlanǵan mototsıklin taýyp berdi,dep habarlaıdy QazAqparat tilshisi.
Búgin tańǵy saǵat 4:30-da «102» pýltine Germanııa azamatynan BMW markaly mototsıkli urlanǵany týraly habarlama tústi.
Sheteldik azamat Almatyǵa osydan eki kún buryn kelgen. Eki dóńgelekti kóligin ol ózi toqtaǵan qonaq úıdiń aldyna qoıǵan. Mototsıkiliniń urlanǵanyn birneshe saǵattan soń ańǵarǵan ol polıtsııanyń kómegine júgindi.
«Biz jedel izdestirý jumystaryn uıymdastyrdyq jáne alǵashqy saǵattarda kimniń qylmys jasaǵanyn anyqtadyq. Aıtpaqshy, birneshe kún buryn bizdiń aýdanda taǵy bir mototsıkl urlanǵan bolatyn. Tártip saqshylary osy qylmystardyń uqsastyǵyn anyqtady. Mototsıklderdi úsh adam qoldy etken. Basty aıyptalýshylardyń biri - 32 jastaǵy K. Ol Germanııa azamatynyń mototsıkli urlanǵannan keıin birneshe saǵatta ustaldy. Kúdiktiler urlanǵan kólikti satyp úlgergen. Sheteldiktiń kóligi Almaty oblysy, Qarasaı aýdany, Qaskeleń qalasynan tabyldy jáne ıesine qaıtaryldy. Qazirgi ýaqytta osy qylmysqa qatysy bar taǵy eki aıyptalýshy izdestirilýde»,- dedi Medeý aýdandyq polıtsııa bóliminiń bastyǵy Bolat Totybaev.
Germanııa azamaty bizdiń elge saıahattap kelgen. Ol kóligin tez arada taýyp bergen polıtsııa qyzmetkerlerine alǵysyn aıtty.
«Men mototsıklimdi qaıtaryp aldym. Óte qýanyshtymyn. Ótken túni urlap ketken edi. Men polıtsııaǵa bul týraly tańerteń aıttym. Olar tez arada taýyp berdi. Polıtsııa qyzmetkerlerine rahmet. Men Germanııadan keldim, sol eldiń turǵynymyn. Joldyń qashyqtyǵyna qaramastan Almatyǵa osy kólikpen jettim. Saparymdy ári qaraı jalǵastyramyn. Men Qytaı men Kambodjı eline júrgeli turmyn», - deıdi Klaýs-Stefan Shtıflıagen.
