Almaty polıtseıleri balalarǵa temeki satqan satýshylardy jazalady
ALMATY. QazAqparat - Almatyda polıtsııa qyzmetkerleri dúkenderdi aralap, kámeletke tolmaǵandarǵa temeki men alkogol satqan satýshylardy anyqtaý úshin reıdke shyqty, dep habarlaıdy QazAqparat tilshisi.
«Almaly aýdanynda satýshylardyń biri 15 jastaǵy balaǵa temeki satyp jiberdi. Olar balanyń jasyn suramady. Zań boıynsha olar tekserýi tıis. 21-ge tolmaǵan tulǵalarǵa alkogoldi ishimdik satylatyn jaǵdaılar da jıi kezdesedi. Bizdiń mindetimiz - mundaı zańbuzýshylyqty boldyrmaý, bolashaq úshin jaýapkershilikti arttyrý», - dedi Almaty qalalyq Polıtsııa departamentiniń ıývenaldy polıtsııa bóliminiń basshysy Leıla Álipbaeva.
Kámelettik jasqa tolmaǵan tulǵalarǵa temeki men araq satqany úshin satýshylar QR ÁqbK 133-babymen jaýapkershilikke tartyldy.
