Almaty polıtseıleri avtokólik urlaýmen aınalysyp kelgen eki uıymdasqan topty ustady
ALMATY. Naýryzdyń 13-i. QazAqparat /Ádilet Musahaev/ - Sońǵy apta ishinde Almaty polıtseıleri qymbat avtokólikterge qarýly shabýyl jasap, kólik tonaýmen aınalysyp kelgen eki uıymdasqan topty quryqtady,
dep habarlaıdy QazAqparat ІІB baspasóz qyzmetine silteme jasap.
Birinshi top boıynsha Shyǵys Qazaqstan oblysynyń úsh turǵyny ustalǵan. Olar 2007 jyly Almaty qalasy Almaly aýdanyndaǵy jekemenshik avtoturaqqa shabýyl jasap, qaraýylda turǵan kart adamdy ólgenshe uryp, qymbat «Toıota Lend Krýzer» kóligin urlap ketken. Sol jyldyń kúzinde almatylyq jas qyz osy qylmystyq toptyń qurbanyna aınalady. Olar tapanshamen qorqytý arqyly onyń sý jańa «Leksýs» avtokóligin alyp ketken.
«Bul qylmystyq toptyń uıymdastyrýshy úsh múshesi birden sol jyly ustalǵan bolatyn, degenmen taǵy úsheýi osy ýaqytqa deıin izdeýde júrgen bolatyn. Qazir olardyń ústinen qylmystyq kodekstiń birneshe baby boıynsha jaza kútip tur. Osy tárizdes qylmystar qalamyzda qaıtalanýda. Shyǵys óńiriniń turǵyndarynan qurylǵan taǵy bir qylmystyq toptyń isin áshkereledik», deıdi Almaty qalasy ІІB krımınaldyq polıtsııa basqarmasy bastyǵynyń orynbasary Qanat Sarymsaqov.
Ekinshi toptyń úlesinde de qaraqshylyq shabýyl men adam ólimi bar. Olar qymbat avtokólikti ıemdený úshin kólik ıesin soqqyǵa jyǵyp, ony qala syrtyna tastap ketpek bolǵan. Biraq ta kólik qojaıyny jol boıynda esin jıyp alǵan. Qylmyskerler kýáger qaldyrmas úshin, ony soıylmen uryp óltirgen. Qanpezerler demsiz qalǵan erkek múrdesin Almaty qalasyndaǵy Qojanov kóshesine tastap ketedi.
«Qos toptyń qylmysyna tapsyrys berýshi bir-aq adam bolǵan. Qazirgi ýaqytta ol qamaýǵa alynyp, birqatar qylmystyq tapsyrys uıymdastyrǵanyn moıyndaýda. Sonymen qatar urlanǵan kólikterdiń ótkizý arnasy belgili boldy. Tapsyrys berýshi kóbine kólikterdi shetelge, kórshiles elderge ótkizýmen aınalysqan. Sonymen qatar jaldanýshylardyń jumysyna qomaqty syıaqy berip otyrǵan», dep atap ótti Qanat Sarymsaqov.
