Almaty polıtseıleri astanalyq áriptesteriniń chellendjin qabyl aldy
ALMATY. QazAqparat - Almatylyq polıtseıler astanalyq áriptesteriniń chellendjin qabyl alyp, sporttyq daıyndyqtaryn kórsetti, dep habarlaıdy QazAqparat tilshisi.
Beınerolık QR ІІM Ákimshilik polıtsııa komıtetiniń baspasóz hatshysy Irına Lýkıanınanyń Feısbýktegi paraqshasynda jarııalanǵan.
Kadrda 16 polıtseı bir mezette jerden kóterilip (keýdesin jerden kóterip) sporttyq jattyǵý jasaǵan. Sonymen qatar, tártip saqshylary sapqa turyp, mejeli nysandy atýdan sheberlikterin kórsetti. Polıtseıler estafetany elimizdiń ózge óńirlerge joldady.
Aıta ketý kerek, atalǵan chellendjdi Astana qalasy ІІD qyzmetkerleri almatylyq áriptesterine jibergen bolatyn. Vıdeoda arnaıy saýyt keýdeshe kıgen polıtseıler salaýatty ómir saltyn nasıhattaý maqsatynda osyndaı jattyǵý jasaǵan edi.
