Almaty polıtseıleri áleýmettik az qamtylǵan otbasylarǵa qaıyrymdylyq kómek kórsetti
Bul qaıyrymdylyq sharaǵa «Rodnık» qoǵamdyq birlestiginiń ókilderi qoldaý kórsetti. Olar polıtsııa qyzmetkerlerimen birge aldyn ala turmysqa qajetti zattar: ydys-aıaqtar, tósek-oryn jabdyǵynyń tystary, eresekter men balalarǵa arnalǵan kıimder, oıynshyqtar jáne basqa da buıymdardy satyp aldy. Keıin, otbasylardy aralap, olardyń áleýmettik jaǵdaıymen, balalardyń tárbıesimen tanysty. Otbasy músheleri qaıyrymdylyq kómekterge rıza boldy.
«1000 ıgilikti is» aktsııasy - óte mańyzdy jáne qajetti shara. Muqtaj jandarǵa qol ushyn sozý - olar úshin birinshi kezekte psıhologııalyq turǵydan qajet. Ásirese balalaryn jalǵyz ózi baǵyp-qaǵyp otyrǵan jalǵyz basty analar úshin myna qıyn zamanda ózin qaraýsyz qalǵandaı sezinbeýi kóńilge úlken demeý. Al biz olarǵa moraldyq jáne materıaldyq turǵydan kómektesýge qashanda daıynbyz», - dedi Almaty qalalyq ІІD Jergilikti polıtsııa qyzmetiniń áıelderdi zorlyq-zombylyqtan qorǵaý boıynsha tobynyń aǵa ınspektory, polıtsııa podpolkovnıgi Maııa Toqsanova.