Almaty polıtseıleri alaıaqtardan zardap shegýshilerdi izdestirip jatyr
ALMATY. QazAqparat - Almaty polıtseıleri alaıaqtardan zardap shegýshilerdi izdestirip jatyr, dep habarlaıdy «QazAqparat» HAA tilshisi qalalyq ІІD baspasóz qyzmetine silteme jasap.
«Qylmystyq istiń materıalyna sáıkes, 1985 jylǵy L.Zamzarıeva esimdi azamatsha jyljymaıtyn múlikke qatysty alaıaqtyq jasaǵan. Ol páterlerdi bir táýlikke jalǵa alyp, ózin úıdiń ıesi retinde úshinshi tulǵalarǵa uzaq ýaqytqa qaıta jalǵa berýmen aınalysqan», - dep habarlaıdy quqyq qorǵaý organdarynyń qyzmetkerleri.
Polıtseılerdiń deregi boıynsha, qazirgi tańda olardyń óndirisinde L.Zamzarıevanyń qylmystyq áreketinen zardap shekken 12 adamnyń shaǵymy bar.
Tergeýshilerdiń aqparatyna súıensek, azamattarǵa arzan baǵada áýe tasymalyna bılet alyp berýge ýáde etip, olardan aqsha alyp jáne ýádesin oryndamaǵan 1981 jylǵy M. Sagýnov esimdi azamat ta kúdiktilerdiń qatarynda. Shaǵym bildirýshiler sany: 10 adam.
Osyǵan baılanysty, polıtseıler qylmystyq ister boıynsha sotqa deıingi tergeý aıasynda atalmysh tulǵalardyń áreketinen zardap shekken adamdardy myna telefon nómirine habarlasýlaryn suraıdy: 298-53-00; 298-53-01 jáne 298-53-02.
