Almaty polıtseıleri alaıaq kelinshekti qolǵa túsirdi
ALMATY. QazAqparat - Almaty polıtseıleri alaıaqtyqpen júıeli túrde aınalysyp kelgen 38 jastaǵy kelinshekti qolǵa túsirdi, dep habarlaıdy QazAqparat tilshisi qalalyq ІІD baspasóz qyzmetine silteme jasap.
Polıtseılerdiń qolyna túsken 1979 jyly týǵan Shyǵys Qazaqstan oblysynyń týmasy A. Bashırova buǵan deıin de alaıaqtyq áreketi úshin sottalǵan bolyp shyqty. Bul joly A.Bashırova Almaty qalasynda zańnamalyq qyzmetin kórsetetin mekeme ashyp, klıentterdiń senemine kirgen.
«Onyń mekemesiniń qyzmetine azamattyq, qylmystyq zańnamalar boıynsha jeke jáne zańdy tulǵalar júgingen. Kúdikti óziniń jymysqy oıyn júzege asyrý úshin zańdyq tulǵalardyń klıentterin qarmaǵyna túsirgen. Kúdikti mekemesinde zańdyq qyzmet kórsetip qoımaı, máseleni shesheýdiń zań talaptarynan tys «erekshe» jolyn tabatynyn, basqasha aıtqanda, ol klıentterine máseleni laýazymdy tulǵalardy «satyp alý» arqyly sheshe alatanyn aıtqan. Ol úshin túrli vedomstvolarda yqpaldy adamdarynyń bar ekendigine sendirgen. Ańǵal klıentter onyń aıtqanyna senip, 6 myńnan 20 myń AQSh dollaryna deıin iri somadaǵy aqshalaryn bergen. Osylaısha, qaskóı adamdardyń senimine kirip, azamattardan jalpy somasy 50 myń AQSh dollaryn ıemdenip alǵan. Oǵan qatysty QR QK 190-babynyń, 3-bóligi, 1-tarmaǵy (alaıaqtyq) boıynsha is qozǵalyp, sotqa deıingi tergeý amaldary bastaldy. Qazirgi ýaqytta tek Bostandyq aýdany boıynsha onyń qylmysyna qatysty 7 oqıǵa áshkerelendi», - dedi Bostandyq aýdandyq ІІB basshysy polıtsııa podpolkovnıgi Daýren Ótebaev.
Qalalyq ІІD atalǵan adamnan zardap shekkender bolsa 254-47-02; 254-47-59; 8-778-999-97-27 nemese 102 nómirine habarlasýdy suraıdy.
Aıta keteıik, 2009 jyly alaıaqtyq boıynsha túrmede jazasyn ótep jatqan Bashırova túrme qabyrǵasynda ózimen birge jazasyn ótep jatqan P esimdi azamattyń aqshasyn aldap alǵan. Sol úshin Medeý aýdandyq soty ony 8 jylǵa bas bostanyǵynan aıryp, jeke múlkin tárkileýge úkim shyǵarǵan.
