Almaty polıtseıleri adam óltirgen qylmyskerlerdi quryqtady
ALMATY. Tamyzdyń 19-y. QazAqparat /Erbol Turymbetov/ - Almaty polıtseıleri óziniń jaqyn tanystarynyń qurbany bolǵan er adamnyń qazasy týraly qylmystyń betin ashty,
dep habarlaıdy QazAqparat.
Qylmyskerler ózderiniń eski tanysynyń avtokóligin ıemdený jolynda kólik ıesin óltirýge deıin barǵan. Qaza tapqan adam óziniń 25 jyldyq eńbek jolynda «Leksýs» markaly avtokólikke qol jetkizgen eken.
«Qylmyskerler dittegen maqsattaryna jetý úshin tanysyn arnaıy jaldaǵan páterge ertip ákelip, sol jerde o dúnıege attandyrǵan. Іzderin jasyrý úshin máıitti bólshektep tastaǵan. Al denesin benzınmen órtep jibergen. Bizdiń qyzmetkerler qaza bolǵannyń kim ekenin anyqtaı almaı júrgen-di. Habarsyz ketken balasyn izdeýshi bir keıýana máıittiń óz balasy ekenin tanydy. Qyzmetkerler de dáleldemeler qorytyndysy boıynsha ólgen adam álgi ananyń balasy ekenin anyqtady», dedi Almaty qalalyq ІІD-niń krımınaldy polıtsııasynyń bastyǵy polkovnık Amangeldi Shiderqulov.
Jaqynda osy is boıynsha bólim qyzmetkerleri qylmyskerlerdi óltirilgen adamnyń «Leksýs» kóligin satyp turǵan jerinen ustaǵan. Bir kún ishinde olar kólikti 2 ese arzan baǵaǵa satyp alatyn adam taýyp úlgergen. Tergeý barysynda olar dene músheleriniń qalǵan bólikterin qaltalarǵa salyp, Raıymbek dańǵylyndaǵy ózenge tastaǵandaryn moıyndady. Sonymen birge, tergeý barysynda málim bolǵandaı, qylmys jasaýshylardyń biri atbegi bolsa, onyń joldasy qarapaıym ofıtsıant bolyp shyqqan.
