Almaty polıtseıleri 375 oqýshyny ustady
ALMATY. QazAqparat - Almaty qalalyq ІІD «Mektep» jedel-aldyn alý sharasy barysynda 3 balanyń qaladaǵy eshbir bilim berý júıesine tirkelmeı jáne oqý baǵdarlamasynan tys qalǵanyn anyqtady. Sonymen qatar, tártip buzǵan 375 oqyshyny ustaǵan, dep habarlaıdy QazAqparat tilshisi.
«Qalada 3 balanyń bilim berý organdaryna tirkelmegeni, oqý baǵdarlamasyna qatyspaı júrgeni anyqtaldy. Bilim berý mekemelerimen birige otyryp, balalar mektepterge ornalastyryldy, sonyme qatar, mektep formasy, aıaq kıim men oqý-qural jabdyqtary jaǵynan kómek kórsetildi»,- dedi ІІD Jergilikti polıtsııa qyzmetiniń ıÝvenaldy polıtsııa bólimi basshysy polkovnık Leıla Álipbaeva.
Polıtsııa qyzmetkerleriniń aıtýynsha, 12 qyrkúıekten bastalǵan «Mektep» sharasy barysynda kámelet jasyna jetpegender tarapynan ártúrli quqyq buzý faktileri tirkelgen. Máselen, 375 kámelet jasqa tolmaǵan bilim alýshy túrli quqyq buzý faktisimen ІІB jetkizilse, onyń 356-sy ákimshilik quqyq buzǵany úshin ustalǵan. Qaraýsyz júrgen 19 bala anyqtalyp, onyń 17-si Kámelet jasyna tolmaǵandardy beıimdeý ortalyǵyna jetkizilgen. 26 oqýshy polıtsııa tirkeýin alynyp, 28 jaýapkershiligi joq otbasy polıtseıler nazaryna ilikken.
«Túnde oıyn-saýyq ortalyqtarynda balalary ustalǵan 154 ata-ana ákimshilik jaýapkershilikke tartyldy. Túngi mezgilde kámelet jasqa tolmaǵandardy kóńil kóterý ortalyǵyna kirgizgeni úshin 7 oıyn saýyq mekemesiniń basshylaryna qatysty QR ÁQK-niń 132-babyna sáıkes, ákimshilik is hattalyp, sotqa joldandy. Kámelet jasqa tolmaǵandarǵa temeki men araq satqan 11 saýda núktesi anyqtaldy», - dedi L.Álipbaeva.
