Almaty PIK-teri onlaın-formatqa kóshedi
«Elektrondy PIK turǵyn úı keshenderindegi baılanystyń ashyqtyǵyn qamtamasyz etetin júıe. Statıstıka boıynsha 10 paıyzdan astam turǵyndar PIK qyzmetin retteýge qatysady», - dedi Á.Ábdýalıev.
Ol óz sózinde PIK ózin ózi basqaratyn uıym ekenin jáne turǵyndar qajet bolǵan jaǵdaıdy onyń jetekshisin aýystyrýǵa quqyly ekenin aıta ketti.
«Biz qala turǵyndarynyń PIK-pen ǵalamtor arqyly baılanys ornatqanyn qalaımyz. Olardyń da PIK-tiń de jeke kabıneti bolady. Onda kireberisti jóndeý, úı alabyn damytý sekildi usynystaryn qaldyra alady. PIK turǵyndarǵa ystyq sý men sý sýdyń toqtaıtyn kezin, taǵy da basqa eskertýlerdi joldaı alady. Onlaın júıe bizdiń qala turǵyndarynyń shahardy damytýǵa belsendiligin arttyrady», -dedi ol.
Bul jańashyldyqtyń nátıjesinde qala basshylyǵy PIK belsendiligi týraly aqparattar ala alady.
«Qalada barlyǵy 750 PIK bar, qazirgi kúni 20 PIK atalǵan jobaǵa qosyldy. Biz bul júıeni synap kóremiz. Pılottyq rejimde bul joba óz tıimdiligin kórsetedi dep senemiz. Ary qaraı jumysty jalǵastyryp, kelesi jyly 200-300 PIK-ti qosamyz degen jospar bar. Aldaǵy 2-3 jylda Almatynyń barlyq PIK-terin atalǵan jobaǵa tartamyz. Eger joba óz nátıjesin kórsetse ózge qalalarǵa da paıdalanýǵa bolady», dedi Á.Ábdýalıev.