«Almaty-Petropavl» baǵytyndaǵy «Jetisý» poıyzynda jolaýshylardy elektrondy bılet boıynsha otyrǵyzýdyń avtomattandyrylǵan baqylaý júıesi engizildi
Bul týraly «Jolaýshylar tasymaly» AQ baspasóz qyzmetinen habarlandy.
Endigide ınternet nemese ózine-ózi qyzmet kórsetý tólem termınaly arqyly bılet satyp alǵan jolaýshyǵa bılet kassasynyń kómegine júginý qajet emes.
Jolaýshy jolserikke qolynda token (elektrondy bılet) bolǵan jaǵdaıda, jeke tulǵasyn rastaıtyn qujatty ǵana kórsetse bolǵany. Jolserik mobıldi termınaldyń kómegimen jolaýshynyń qujattyq málimetterin tekserip, avtomatty túrde tirkeýden ótkizedi.
Jolaýshynyń suraýy boıynsha jolserik arnaıy termınaldyq qural arqyly bıletti basyp shyǵara alady.
Jolaýshylardy otyrǵyzýdy avtomattyq baqylaý júıesi kórsetiletin qyzmetti jaqsartý maqsatynda engizilip otyr. Jańa qyzmet bıletterdi elektrondyq satýdy damytyp, adamı faktorlardan alastaýǵa múmkindik beredi.
Bul sekildi júıeler osy ýaqytqa deıin №9/10 «Astana-Almaty» baǵytyndaǵy «Báıterek» poıyzynda, №25/26 «Almaty-Shymkent» baǵytyndaǵy «Aq suńqar» poıyzynda, №1/2 «Astana-Almaty» baǵytyndaǵy «Tulpar» poıyzynda, №47/48 «Atyraý-Astana» baǵytyndaǵy «Kaspıı» poıyzynda engizilgen. Bıylǵy jyly atalmysh jańa qyzmet «Jolaýshylar tasymaly» AQ-nyń ózge de poıyzdarynda ornatylmaqshy.
Atap óter jáıt, jyl basynan beri elektrondyq ádispen 615 000 elektrondyq bılet satylǵan.
