Almaty – Petropavl baǵytyndaǵy № 105 poıyz quramyndaǵy tehnıkalyq vagon órtendi
ALMATY. QazAqparat- Almaty - Petropavl jolaýshylar poıyzynyń shuǵyl toqtaýyna tehnıkalyq vagonnan shyqqan órt sebep boldy. Bul týraly «Qazaqstan temir joly» Ulttyq kompanııasy» AQ baspasóz qyzmeti málim etti, dep habarlaıdy QazAqparat tilshisi.
Poıyz jolaýshylary otqa oranǵan tehnıkalyq vagondy vıdeoǵa túsirip alǵan.
Aqparatty «QTJ» UK» AQ baspasóz qyzmeti rastady.
«Almaty - Petropavl bul jolaýshylar poıyzy. Munda jolaýshylar vagonnan bólek, tehnıkalyq vagon bolady. Órt sol tehıkalyq vagonnan shyqty»,- dep habarlady «QTJ» UK» AQ baspasóz qyzmeti.
Buǵan deıin búgin tańǵy saǵat 04.27-de «Almaty-Petropavl» baǵytyndaǵy №105 jolaýshylar poıyzy «Qaraǵandy-Astana» ýchaskesinde shuǵyl toqtaǵany týraly jazǵan bolatynbyz.
Poıyzda 184 jolaýshy bolǵan. Olar baratyn jerine basqa poıyzdarmen jetkiziledi.
Tergeý júrgizý úshin «QTJ» UK» AQ komıssııasy quryldy.
Vıdeodan alynǵan kadr
