Almaty perzenthanasynda sábı jumbaq jaǵdaıda kóz jumdy
ALMATY. QazAqparat – Almaty perzenthanasynda týǵanyna on kún bolǵan shaqalaq shetinep ketti, dep habarlaıdy QazAqparat tilshisi.
Qaıǵyly oqıǵa Almaty qalasyndaǵy Túrksib aýdanynda bolǵan. 9 qańtar kúni dúnıege kelgen ul bala nebári on kún ómir súrdi. Shaqalaq 19 qańtar kúni shetinep ketti.
Týystarynyń aıtýynsha, bala perezenthanada salynǵan «V» gepatıtine qarsy ekpeden kóz jumǵan.
Alaıda qalalyq qoǵamdyq densaýlyq saqtaý basqarmasy sábıdiń vaktsınatsııadan kóz jumǵanyn rastamaıdy.
«Taýarlar men kórsetiletin qyzmetterdiń sapasy men qaýipsizdigin baqylaý komıtetimen birge arnaıy komıssııa quryldy. Onyń quramyna joǵary medıtsınalyq mekemelerdiń ókilderi, táýelsiz sarapshylar bar. Komıssııalyq tekserý nátıjeleri boıynsha ólimniń sebepteri men jaǵdaılary naqtylanatyn bolady. Basqarma nárseteniń týǵan – týystaryna qaıǵyryp kóńil aıtady, bul fakt qala basshylyǵynyń baqylaýynda. Tekserýdiń qorytyndysy quqyqtyq baǵa berý úshin quqyq qorǵaý organdaryna jiberiledi», - dedi qalalyq densaýlyq saqtaý basqarmasy.
