Almaty perınatologııa ortalyǵynda sońǵy naýqas koronavırýstan jazylyp shyqty
ALMATY. QazAqparat - Almatyda perınatologııa jáne balalar kardıohırýrgııasy ortalyǵynan COVID-19-dan saýyqqan sońǵy naýqas úıine shyǵaryldy, dep habarlaıdy QazAqparat tilshisi.
«Keshe biz ekijaqty pnevmonııamen aýyrǵan sońǵy naýqasty shyǵardyq. Naýqastyń jaǵdaıy jaqsy jáne ol bizdiń dárigerlerge óte rıza. Endi ortalyqtaǵy juqpaly aýrýlar provızorlyq bólimshesin kardıohırýrgııa bólimshesine josparly emdeýge jatqyzýdyń qaıta jandanýyna baılanysty jaýyp tastadyq», - deıdi perınatologııa jáne balalar kardıohırýrgııasy ortalyǵynyń dırektory Ǵanı Bodyqov.
Esterińizge sala keteıik, pandemııaǵa baılanysty ortalyqta shilde aıynan bastap JRVI nemese Covid-19 belgileri bar patsıentter úshin 30 tósekpen jabdyqtalǵan bólimshe ashylǵan bolatyn.
Munda 118 naýqas emdeldi. 48 bala qabyldanyp, onyń 20-sy kesar tirligimen dúnıege kelgen edi.
Naýqastar arasynda koronavırýstan ólim bolǵan joq.
