Almaty pedıatrlary jedel ishek ınfektsııalaryn emdeýdiń qazirgi zamanǵy tásilderin talqylaýda
Y. Shildeniń 21-i. QazAqparat /Názıra Eleýhan/- Almatyda HIPP kompanııasynyń muryndyq bolýymen tuńǵysh ret "Túrli aǵzalar men júıeler qyzmetiniń buzylýyn ambýlatorlyq deńgeıde qalpyna keltirý úshin jasy 4 aıdan joǵary balalarǵa arnalǵan emdik qasıeti bar qazirgi taǵam ónimderi" taqyrybynda qala pedıatrlarynyń ǵylymı-tájirıbelik konferentsııasy ótip jatyr,
dep habarlaıdy QazAqparat.
Konferentsııa jumysyna qatysyp jatqan 40-tan asa pedıatrlar jedel ishek ınfektsııalaryn emdeýdiń qazirgi zamanǵy tásilderine qatysty máselelerdi talqylaýda.
Konferentsııa barysynda, ish ótý balalardyń densaýlyǵyna qaýip keltirýi múmkin, bul aýrý kóp jaǵdaıda balalardyń ishek qyzmeti buzylýynyń negizgi belgileriniń biri jáne onyń qozdyrǵyshy aýrý týdyratyn mıkrobtar, sonymen qatar, dıeta men tamaqtaný rejiminiń buzylýy sebep bolyp jatyr dep atap ótildi. Qatysýshylardyń aıtýynsha, Eýropada ish ótý jaǵdaıynyń jıiligi úsh jastan tómengi balalar arasynda jylyna bir balaǵa shaqqanda 0,5-ten 1,9 aralyǵynda. Al, Qazaqstanda 2010 jyldyń qańtar aıy men mamyr aılary aralyǵynda bes jasqa deıingi balalardyń jedel ishek ınfektsııa aýrýynyń 11 257 jaǵdaıy tirkelgen.
"Іsh ótý, dıareıa kezindegi suıyqtyq jáne tirshilik úshin mańyzdy mıkroelementterdiń joǵalýy saldarynan bolatyn ishek qyzmetiniń buzylýy bala densaýlyǵyna qaýip keltirýi múmkin. Búgingi tańda Qazaqstanda emshek jasyndaǵy búldirshinder men tómengi jastaǵy balalardyń tamaqtanýyn, onyń ishinde jedel ishek ınfektsııalaryn emdeý kezindegi tamaqtanýyn ońtaılandyrý máselesi ózekti bolyp otyr. Іsh ótý kezinde organızm joǵaltqan qajetti sý men tuzdy qalpyna keltirýdiń jalpyǵa birdeı ádisterimen qatar, búgingi tańda tıimdiligi joǵary preparattar bar. Máselen, bul balalar taǵamyn óndirýshi HIPP kompanııasynyń ORS -200 dep atalatyn sábiz ben kúrish qaınatyndysy", dedi medıtsına ǵylymdarynyń doktory, professor Raýshan Ydyrysova.
Onyń aıtýynsha, bul preparattaǵy qajetti natrıı men kalıı jáne sý, ishektiń shyryshty qabatyn qalpyna keltirip, joıylǵan qunarly zattar men ýyzdy toltyrady. "Bul qaınatyndy Qazaqstanda jáne álemniń kóptegen elderinde paıdalanýdyń oń tájirıbesine ıe", dep atap ótti Raýshan Ydyrysova.
Qazaqstanǵa atalmysh konferentsııaǵa arnaıy kelgen HIPP kompanııasynyń Bas dırektory Stefan Hıpp "Bizdiń jumys baǵytymyzdyń negizgisi balalar taǵamyn shyǵarý bolǵandyqtan, ónimderdi shyǵarý kezinde kompanııa tek ekologııalyq taza shıkizat qoldanady. Organıkalyq tyńaıtqyshtardy qoldaný arqyly ósirilgen shıkizatty júıeli paıdalaný, bizdi álemdegi ekologııalyq taza shıkizat óńdeıtin iri kásiporynǵa aınaldyrdy jáne balalar taǵamynyń "organıkalyq" sapasy salasynda serpilis jasaýǵa kómektesti. Qazaqstanda jáne Ortalyq Azııa 12 jyl boıy tabıǵatpen úılesimdi joǵary sapaly ónim usynyp kele jatqanymyzǵa qýanyshtymyz. Bizdiń maqsatymyz sizderdiń senimderińizge laıyqty bolý. Meniń oıymsha, ótken jyly Qazaqstanda ótken balalar taǵamy baıqaýynda bizdiń kompanııanyń bes atalym boıynsha jeńimpaz atanǵandyn sizderdiń senimderińizge laıyqty bolǵandyǵy dep bilemin", dedi ol.
Onyń aıtýynsha, kompanııa Germanııada naryqtyń 45 paıyzyn, Avstrııada 70 paıyzdy quraıdy, al Eýropa elderinde kompanııa balalar taǵamyn óndirý boıynsha kóshbasshy jáne ol naryqtyń 12 paıyzyna ıe.
